Барселона беше во голгетерска форма, но и Бетис се наоѓаше во одлична серија во Ла Лига. Двата тима одиграа возбудлив натпревар на „Монжуик“, кој заврши без победник – 1-1. Овој резултат најмногу ги израдува Карло Анчелоти и фудбалерите на Реал Мадрид, кои остануваат во трката за титулата.
По ова реми, Барселона има четири бода предност пред Реал Мадрид на врвот на табелата.
Каталонците поведоа рано преку Гави во седмата минута, но Бетис брзо возврати. Натан израмни во 17. минута, носејќи нова неизвесност во натпреварот.
Барселона создаде уште неколку добри шанси до крајот на мечот, но одбраната на Бетис беше на висина на задачата и успеа да го одржи нерешениот резултат, освојувајќи важен бод на тешкото гостување.
