Италијанскиот репрезентативец Андреа Белоти одби да го продолжи договорот со Торино. Ова затоа што има намера да ја промени средината по завршувањето на сезоната.
Белоти е речиси единствената светла точка во тимот на „биковите“ оваа сезона, Торино се бори за опстанок, а напаѓачот сака сосема поинакви дострели во кариерата.
Неговиот договор истекува во 2022 година, на лето ќе влезе во последната година од соработката со Торино и клубот ќе мора да го продаде ако сака да заработи на негово заминување.
Белоти е во преговори со Милан и сака кариерата да ја продолжи на „Сан Сиро“.
