Џуд Белингaм во својата прва сезона во Реал Мадрид освои речиси сѐ. Тој ја коментираше победата на неговиот клуб против Борусија Дортмунд со 2-0 во финалето на Лигата на шампионите.
„Отсекогаш сонував да играм на вакви натпревари. Ваквите натпревари потсетуваат дека сѐ е можно. Навистина, ова што го постигнавме е нешто големо. Навистина не можам да го опишам со зборови. Го загубивме само Копа дел Реј, но не можев да сонувам за подобра сезона. Апсолутно сите беа совршени. Знаете кога се расплакав, кога ги видов мајка ми и татко ми колку се среќни“, изјави Белингам.
Фудбалерот на „кралевите“ сепак потенцираше дека победата не дојде на лесен начин.
„Морам да бидам искрен – тие беа подобриот тим во првото полувреме. Можеа да водат со два или три гола разлика. Но, само Реал има ваков карактер, да излезе после таков прв дел и да победи“, додаде Белингам.
