Работнички и официјално го именуваше Баже Јанакиевски за нов шеф на стручниот штаб, потврдувајќи ги најавите дека токму младиот стратег ќе ја предводи екипата во новата сезона.
Пред Јанакиевски ќе биде поставена јасна задача – да го врати некогашниот македонски фудбалски гигант во Првата македонска фудбалска лига, откако клубот оваа сезона ќе се натпреварува во Втората лига.
Новиот тренер зад себе има успешни епизоди на клупата на Башкими, каде што во два наврати остави позитивен впечаток со својата работа, а сега го очекува нов предизвик во кариерата.
Работнички денеска ги започна и подготовките за претстојната сезона. По заминувањето на голем број фудбалери, меѓу кои речиси целиот прв тим, клубот ќе се насочи кон создавање нов ростер и ангажман на квалитетни засилувања, со кои ќе се нападне експресно враќање во македонската фудбалска елита.
