Дербито на Баскија во Сан Себастијан заврши без победник и без возбудувања – Реал Сосиедад и Атлетик Билбао одиграа реми без голови (0-0), во натпревар што повеќе ќе се памети по борбеноста отколку по фудбалскиот квалитет.
Двата тима делуваа внимателно и резервирано, а вистинските шанси беа ретки. Реал Сосиедад имаше нешто повеќе од играта, а најдобрата можност ја пропушти Мендез во 61. минута, кога неговиот удар го скроти одличниот Унаи Симон.
Во завршницата и двете екипи се обидоа да дојдат до победа со неколку опасни акции, но без реална закана за мрежите. На крајот, поделба на плен што повеќе им одговара на гостите – Атлетик останува во битката за место во Лигата на шампионите, додека Сосиедад ќе мора да се задоволи со помали амбиции.
