Скаутскиот тим на Барселона се насочил кон интересна опција во одбраната. Каталонското издание „Спорт“ открива интерес за дефанзивецот Муриљо.
Шпанскиот шампион го испитува можниот трансфер на бразилскиот дефанзивец од Нотингам Форест. Надежите на Барселона се дека договорот би можел да се реализира во зимскиот или летниот преоден рок. Сепак, од „Камп Ноу“ ќе треба да подготват солидна трансферна сума за 23-годишниот играч со оглед дека неговата вредност се проценува на 55 милиони евра.
Веќе се воспоставени контакти со агентите на фудбалерот. Муриљо настапува за Нотингам од сезоната 2023/24, а претходно го носеше дресот на Коринтијанс.
Договорот на Муриљо е до летото 2029 година, па англискиот клуб сигурно ќе побара уште поголема сума за правата на бразилскиот дефанзивец.
