Тренерот на Барселона, Ханси Флик, најверојатно нема да може да смета на Дани Олмо на првиот натпревар на тимот во 2026 година, на гостувањето кај Еспањол на 3 јануари.
Офанзивниот играч од средниот ред се опоравува од повреда од почетокот на декември, откако го повреди рамото на дуелот против Атлетико Мадрид. Имаше надежи дека фудбалерот ќе успее навреме да се рехабилитира за натпреварот со Еспањол во рамки на Ла Лига, но каталонскиот весник „Спорт“ тврди дека тоа нема да биде возможно.
Постоеше ризик да биде потребна операција, што ќе значеше пауза од околу четири месеци, но на крајот беше применет конзервативен пристап во лекувањето на Дани Олмо. Сепак, стручниот штаб на Барселона нема намера да ризикува со негово прерано враќање на теренот.
Иако е планирано Олмо во наредните денови да се врати на тренинзите, поверојатно е тој да не добие медицинска дозвола за настап сѐ до следната недела, кога Барселона ја очекува настап на турнирот за Суперкупот на Шпанија во Саудиска Арабија.
