Каталонскиот гигант Барселона сака да доведе нов квалитетен играч за врска, а до пред некое време прва цел беше Бруно Гимараеш. Сепак, сега каталонските медиуми тврдат дека клубот покажува интерес и за друг играч од средниот ред на Њукасл, Сандро Тонали.
Интересот кон Италијанецот датира одамна. Уште во 2020 година, тогашниот претседател на Бреша, Масимо Челино, изјави дека одбил понуда од 65 милиони евра плус два играчи од Барселона за Тонали. Потоа, тој мина низ Милан пред да се пресели во Њукасл за 70 милиони евра.
По издржувањето на суспензијата поради нелегално обложување, Тонали оваа сезона игра одлично во дресот на „чавките“.
