Барселона е заинтересирана за шведскиот напаѓач Виктор Ѓокереш од Спортинг Лисабон, кого го гледа како долгорочен наследник на Роберт Левандовски, пишува „Спорт“. Каталонскиот клуб веќе има стратегија за негово ангажирање.
Барселона планира да го купи Ѓокереш за околу 70 милиони евра. По трансферот, Ѓокереш би останал како позајмен играч во Спортинг уште една сезона. Шведскиот напаѓач би пристигнал на „Камп Ноу“ во 2026 година, со што би станал главниот напаѓач на тимот.
Ѓокереш, кој има одлична сезона за Спортинг, е едно од најбараните имиња на трансфер пазарот. Покрај интересот на Барселона, за него се заинтересирани и Манчестер Јунајтед и Баерн Минхен, што значи дека Барселона ќе се соочи со силна конкуренција за неговиот потпис.
