Барселона повторно воспоставила контакт со Маркус Рашфорд за можен трансфер на „Камп Ноу“. По пропаѓањето на трансферот на Нико Вилијамс и јасниот став на Ливерпул дека нема да се раздели со Луис Дијаз, раководството на каталонскиот клуб повторно го насочи вниманието кон крилниот напаѓач на Манчестер Јунајтед.
Рашфорд има договор со Јунајтед до 2028 година, но јасно е дека нема да настапува за „црвените ѓаволи“ додека тимот го предводи Рубен Аморим. Според информации од Островот, неколку клубови веќе испратиле официјални понуди за Рашфорд, а еден од нив сигурно е и Барселона.
Манчестер Јунајтед бара 40 милиони фунти за Рашфорд, додека Барселона би сакала да го доведе првично на позајмица со опција за целосен откуп следното лето.
