Иднината на Маркус Рашфорд е предмет на преговори меѓу Барселона и Манчестер Јунајтед, при што каталонскиот клуб се обидува трајно да ги обезбеди услугите на напаѓачот.
Според шпанските медиуми, неодамна се одржал состанок меѓу претставници на двата клуба. На него биле разгледани различни опции за постојан трансфер на англискиот репрезентативец, кој моментно настапува за „Камп Ноу“ како позајмен играч.
Главниот проблем е откупната клаузула од 30 милиони евра, која Барселона не сака да ја активира. Наместо тоа, каталонскиот клуб им понудил на „црвените ѓаволи“ пониска трансферна сума. Друга опција што се разгледува е продолжување на позајмицата за уште една сезона, но со вклучена задолжителна откупна клаузула доколку се исполнат одредени услови.
Раководството на Барселона е цврсто решено да го задржи Рашфорд, а и самиот фудбалер има желба да остане во клубот на постојана основа. Се очекува преговорите меѓу двете страни да се интензивираат кон крајот на актуелната сезона.
На 18 одиграни натпревари во Ла Лига за Барселона, Рашфорд има постигнато два гола и запишано шест асистенции.
