Барселона со сигурен настап славеше победа од 0-2 на гостувањето кај Вилјареал и триумфално ја затвори 2025 година. Со освоените три бода, каталонскиот гигант повторно создаде четири бода предност на врвот во однос на главниот ривал Реал Мадрид.
Барселона дојде во водство преку Рафиња, кој во 12.минута беше прецизен од белата точка, а ситуацијата дополнително се олесни за гостите по исклучувањето на Ренато Веига во 39. минута.
Во вториот дел Барселона рутински ја контролираше играта, а конечниот резултат го постави Ламин Јамал со погодок во 63. минута, со што ја потврди заслужената победа и ги осигура бодовите.
