Барселона се пласираше во четвртфиналето на Купот на кралот со гостинска победа од 0-2 против Расинг Сантандер. Тренерот Ханси Флик изврши неколку ротации, дел од ѕвездите ги остави на клупата, но сите добија шанса во второто полувреме.
Сантандер успешно одолеа во првиот дел, но во 66-та минута Феран Торес, со асистенција од Фермин Лопез, донесе водство за каталонскиот тим.
Конечниот резултат 0-2 го постави Ламин Јамал во последните моменти од средбата.
Македонскиот репрезентативен голман Столе Димитриевски го бранеше голот на Валенсија и ја задржа својата мрежа недопрена во победата над Бургос со 0-2 во Купот на кралот. Тимот од Ла Лига доминираше на теренот и заслужено го забележа триумфот.
Во десеттата минута, Рубо го отвори резултатот за Валенсија, а на почетокот на второто полувреме Умар Садик ја зголеми предноста на „лилјаците“. Бургос немаше сили да возврати и средбата заврши со 0-2.
