Македонскиот репрезентативец Енис Барди се врати во Трабзон во дресот на Бодрумспор и постигна гол против својот поранешен тим во четвртфиналниот дуел од Купот на Турција. По првото полувреме, резултатот меѓу Трабзонспор и Бодрумспор е 2-2, а Барди погоди во 20.минута, за водство на својот тим од 1-2.
Откако го постигна погодокот, Барди веднаш ги крена рацете и застана, ставајќи до знаење дека нема да се радува, од респект кон својот поранешен тим.
