Германскиот првак Баерн Минхен го прескокна зимскиот преоден рок, но затоа договори два големи трансфери за следната сезона. По завршувањето на овој шампионат, нови фудбалери на Баерн Минхен треба да бидат Дајот Упамекано од Лајпциг и Флоријан Нојхаус од Борусија Менхенгладбах.
Спортскиот директор Хасан Салихамиџиќ и Оливер Кан наводно веќе договориле речиси се со агентите на двајцата фудбалери.
Баерн Минхен инсистира што е можно побрзо да го заврши трансферот на Упамекано, со оглед дека за него се заинтересирани многу европски клубови. Исто така постигнат е устмен договор и со Флоријан Нојхаус од Борусија Менхенгладбах и тој треба да биде ново засилување за средниот ред на Баерн Минхен.
