Баерн Минхен вечерва забележа победа на гости против Келн со 3-1 во Бундес-лигата, додека Хофенхајм и Лајпциг исто така триумфираа убедливо.
Во Келн, првото полувреме донесе многу возбудување, особено кон крајот. Во 41. минута, Мајна тргна од својата половина и со силен удар од 20 метри го отвори резултатот во корист на Келн.
Сепак, Баерн израмни уште пред крајот на првиот дел. Горецка го проигра Олисе, кој го пронајде Гнабри, а топката заврши зад голманот за 1-1.
Во второто полувреме, Келн имаше неколку шанси преку Камински, но одбраната на Баерн и Нојер спречија погодок. Во 71. минута, по корнер, Итo со глава ја врати топката до Ким, кој постигна за 1-2.
Конечниот резултат 1-3 беше поставен во 84. минута, кога Кејн испрати прецизна топка до Дијас, кој асистираше до Карл Ленарт за конечен триумф.
Хофенхајм го совлада Борусија Менхенгладбах со 5-1, со хет-трик на Андреј Крамариќ, додека Лајпциг го победи Фрајбург со 2-0.
