Во 26-тото коло од германската Бундес-лига, лидерот на табелата, Баерн Минхен, одигра нерешено 1-1 на гостувањето кај Унион Берлин. Лирој Сане го доведе Баерн во водство во 75. минута, но Унион Берлин израмни девет минути подоцна преку Бенедикт Холербах.
Мајнц и Фрајбург одиграа возбудлив натпревар кој заврши 2-2, додека Борусија Менхенгладбах славеше на гости со 2-4 против Вердер Бремен. Аугсбург, пак, со минимални 1-0 го совлада Волфсбург.
По ова коло, Баерн Минхен останува на врвот на табелата со 62 бода, следен од Баер Леверкузен со 53 бода, но има и еден одигран меч помалку, додека Мајнц се наоѓа на третото место со 45 бода.
