Баерн подготвил понуда вредна 60 милиони фунти (околу 71,7 милиони евра) за Барт Вербруген, голманот на Брајтон. Во минхенскиот гигант го гледаат како наследник на Мануел Нојер (39).
Нојер има договор и за следната сезона. Вербруген досега за Брајтон има настапено на 57 натпревари, на 14 од нив ја сочувал својата мрежа, а примил 76 голови.
Според англиските медиуми, во Баерн веќе се подготвуваат за „живот по Нојер“ и бараат голман кој има квалитети да биде достојна замена на легендата на клубот и германската репрезентација. Вербруген е висок 194 см и има 22 години. Со Брајтон има договор до летото 2028 година.
Во англискиот клуб пристигна во јули 2023 година, во трансфер од Андерлехт. Тој трансфер изнесуваше околу 19 милиони евра, па се очекува Брајтон добро да заработи од својот и прв голман на холандската репрезентација.
