Баерн Минхен ја освои светската титула и ја комплетираше колекцијата од максимални шест трофеи во една натпреварувачка сезона. Тимот на Ханси Флик го израмни постигнувањето на Барселона од периодот кога каталонскиот состав го предводеше Пеп Гвардиола.
Баерн Минхен ги освои трофеите во Бундес – лигата, Купот на Германија, Суперкупот на Германија, Лигата на шампионите, УЕФА Суперкупот и Светското клупско првенство. Ова доволно ја покажува доминацијата на баварскиот клуб на светската сцена во изминатата година.
Полскиот интернационалец Роберт Левандовски ја доби Златната топка за најдобар фудбалер на Светското клупско првенство.
