Баерн Минхен има време до петок да го ангажира напаѓачот на Штутгарт, Ник Волтемаде. Во сабота двата тима ќе се соочат еден против друг во мечот за Суперкупот „Франц Бекенбауер“.
Популарните Шваби сакаат до тогаш да имаат јасна слика за иднината на својот фудбалер.
Досега Штутгарт одби две понуди од баварците за Волтемаде. Германскиот шампион веќе има постигнато договор со напаѓачот.
„Во сабота играме за Суперкупот на Германија. Најдоцна до почетокот на натпреварот сè треба да биде разјаснето“, изјави шефот на Штутгарт, Александер Верле.
