Капитенот на Вардар, Азер Омерагиќ, би можел кариерата да ја продолжи во босанскиот суперлигаш Сараево, откако медиумите од БиХ објавија дека клубот сериозно е заинтересиран за негов ангажман.
Омерагиќ зад себе има одлична сезона во дресот на „црвено-црните“, постигнувајќи 14 погодоци на 30 натпревари, а со своите партии заслужи и повик во македонската репрезентација.
Во редовите на Сараево веќе настапуваат македонските фудбалери Агон Елези и Стефан Ристовски, што дополнително ги подгрева шпекулациите за евентуален трансфер и на напаѓачот на Вардар.
На вечерашниот тренинг на македонскиот национален тим присуствуваа и Крсте Велкоски и Зоран Мамиќ, кои се задолжени за спортскиот сектор на босанскиот прволигаш Сараево.
