Деветнаесеттата рунда во фудбалското првенство на Македонија ќе се затвори со натпреварот меѓу Македонија ЃП и Тиквеш. Домаќинот пролетва нема право на грешка има задача да освои што е можно повеќе бодови за да и натаму има статус на клуб од елитата.
Тиквеш пролетва добро почна. Со победата над Шкупи од 6-0, а потоа одигра и супер полувреме против Шкендија кога поведе со 1-0. Сепак, шампионот на крај од Кавадарци си замина со бодови правејќи пресврт од 1-4.
Кавадарчани всушност првпат пролетва ќе заминат на гостување, затоа што дуелот против Шкупи иако на хартија го играа на гости всушност се одигра на нивниот стадион.
„Ова за нас е еден од клучните мечеви сезонава. Едноставно мора да влеземе во горниот дел од табелата, и се подготвуваме за денеска да ги освоиме трите бода. Против Шкендија лошо го одигравме тоа второ полувреме и редно е да покажеме против противник по мерка што се вели за што сме и за каде сме“ – вели Кристијан Ацковски.
