Алавес успеа да извлече вредно реми без голови против Атлетико Мадрид на домашен терен, со што освои значаен бод во битката за опстанок во шпанската Ла Лига. Со овој резултат, тимот од Виторија сега има 35 бодови – исто колку и Џирона – и три повеќе од Лас Палмас, кој моментално се наоѓа во опасната зона.
Атлетико Мадрид, пак, веќе одамна е надвор од трката за титулата, па тимот на Диего Симеоне влезе во натпреварот со ограничени мотиви, играјќи повеќе за престиж.
Ова е втор натпревар по ред на гостински терен во кој „јорганџиите“ не успеаја да најдат пат до противничката мрежа.
