Атлетико Мадрид покажува сериозен интерес за напаѓачот на Пари Сен Жермен, Гонзало Рамош, и го разгледува како главна цел за летниот преоден рок, пренесува „Марка“.
Иако во моментов „јорганџиите“ се фокусирани на ангажман на нов играч од средниот ред, клубот веќе го планира засилувањето на нападот за следната сезона. Според информациите, португалскиот репрезентативец е главен кандидат за позицијата централен напаѓач.
Тренерот на Атлетико, Диего Симеоне, високо ги цени квалитетите на Рамош. Спортскиот директор Матеу Алемани е свесен дека за реализација на ваков трансфер е потребна навремена и темелна работа.
Потребата од нов напаѓач може да стане уште поизразена, бидејќи постои можност клубот летово да се раздели со фудбалери како Антоан Гризман, Александер Сорлот или дури и Хулијан Алварез.
