Атлетико Мадрид нема да може да смета на напаѓачот Александар Сoрлот за денешното домашно соочување против Ајнтрахт Франкфурт во второто коло од Лигата на шампионите. Норвежанецот заработи повреда за време на дербито со Реал Мадрид и до последен момент постоеше надеж дека ќе може да се опорави, но на крајот отпадна од плановите на Диего Симеоне за вечерашниот меч.
Утринава Сoрлот се обиде да тренира со соиграчите, информира „Марка“, но почувствува болка и беше ослободен од тренингот. Напаѓачот е многу важен дел од плановите на Симеоне, а за викендот постигна еден од петте голови на „јорганџиите“ во дербито против Реал Мадрид.
Атлетико ја започна сезоната во Лигата на шампионите со пораз од 3-2 на гостувањето кај Ливерпул и вечерва ќе ја бара првата победа. Од друга страна, гостите од Франкфурт остварија една од најимпресивните победи во првото коло, совладувајќи го Галатасарај со убедливи 5-1.
