Атлетико Мадрид сигурно ги освои трите бода на гостувањето кај Џирона, славејќи со убедливи 0-3 во 17. коло од Ла Лига. Со оваа победа „јорганџиите“ ја продолжија позитивната серија и се искачија на третото место на табелата.
Избраниците на Диего Симеоне уште во раната фаза го насочија мечот во своја корист. Во 13. минута Коке со одличен удар од дистанца ја погоди целта и му донесе водство на Атлетико.
Доминација на гостите беше крунисана во 38. минута со втор гол, кога Конор Галагер по асистенција од Хулијан Алварез прецизно погоди за 0-2.
Во второто полувреме мадридскиот состав без поголеми проблеми го диктираше ритамот, не оставајќи простор за изненадување. Конечниот резултат го постави Антоан Гризман со гол во самиот финиш, со што ја заокружи убедливата партија на својот тим.
Џирона не успеа да најде начин да ја пробие цврстата одбрана на гостите и останува во долниот дел од табелата, додека Атлетико Мадрид јасно испраќа порака дека сериозно конкурира за пласман во Лигата на шампионите.
