Во првиот натпревар од полуфиналето на Купот на кралот, Атлетико Мадрид доминира со водство од 4-0 против Барселона, но најмногу внимание привлече спорниот момент од почетокот на второто полувреме, кога гостите постигнаа гол кој подоцна беше поништен.
Во првите 45 минути Атлетико покажа апсолутна доминација – автогол на Барселона по грешка на голманот Жоан Гарсија и дефанзивецот Ерик Гарсија, а потоа мрежата ја тресоа Антоан Гризман, Лукман и Хулијан Алварез.
Сепак, во 52. минута Кубарси успеа да постигне гол за 4-1, но ВАР проверката која траеше цели осум минути резултираше со поништување на погодокот поради наводен офсајд.
Фановите на Барселона реагираа бурно, бидејќи фотографиите од ситуацијата покажуваат дека црвената линија поминува директно преку ногата на Левандовски, кој последен играше со топката.
Овој спорен момент сигурно ќе предизвика долги дискусии во фудбалскиот свет.
