Аталанта му го нанесе вториот пораз на Милан во Серија А, совладувајќи го убедливо на „Сан Сиро“ со 0-3. Тимот на Џанпјеро Гасперини одигра одличен меч, а на Милан не му помогна ниту новото засилување Марио Манџукич. по долго време „росонерите“ останаа и без постигнат гол на меч од италијанскиот шампионат.
Кристијан Ромеро најави изненадување во Милано, Јосип Иличиќ од пенал зголеми на 0-2 во 51.минута, а Дуван Запата го докрајчи Милан.
Интер не успеа да го искористи комплетно поразот на Милан и одигра без голови против Удинезе на гости. Македонскиот репрезентативец Илија Несторовски остана на клупата за резервни фудбалери.
