Аталанта официјално го финализира трансферот на Никола Крстовиќ од Лече. Договорот беше постигнат уште во вторник, а вчера напаѓачот мина медицински прегледи пред да го потпише својот договор. Според информациите, зделката изнесува 25 милиони евра плус 10 проценти од идната продажба.
Тој е шестиот нов играч за Аталанта ова лето, по Никола Залевски, Одилон Косуну, Камалдин Сулејмана, Онест Аханор и Марко Спортиело.
Крстовиќ одбра да го носи дресот со број „90“ оваа сезона. Црногорскиот репрезентативец минатата сезона постигна 11 голови и запиша пет асистенции во Серија А за Лече, помагајќи му на тимот да го обезбеди опстанокот во елитата.
25-годишниот фудбалер беше поврзуван и со Рома, Наполи и Волфсбург, пред Аталанта да реши да даде понуда за него. Ова е уште една голема заработка за Лече, кој го купи од Дунајска Стреда за 4,4 милиони евра во август 2023 година.
