Астон Вила ја продолжи одличната серија во Премиер лигата со победа од 2-1 над Манчестер јунајтед на „Вила Парк“ во 17. коло. Со десеттата последовна победа, тимот на Унаи Емери останува во трката со Сити и Арсенал, додека „ѓаволите“ повторно се во пад на формата.
Во 45. минута Џон Мекгин донесе водството за Астон Вила. Сепак, Матеус Куња веднаш одговори и го израмни резултатот пред крајот на полувремето.
Во второто полувреме Астон Вила повторно покажа поголема ефикасност. Морган Роџерс во 60. минута постигна победнички гол по асистенција на Оли Воткинс, додека Јунајтед, кој остана и без Бруно Фернандеш поради повреда, не успеа да одговори.
