Македонскиот интернационалец Стефан Ашковски ја продолжува кариерата во Индонезија, каде што потпиша за екипата на ПСС Слеман.
34-годишниот фудбалер пристигнува во својот нов клуб како слободен играч, откако претходно го раскина договорот со иранскиот Мес Рафсанјан.
ПСС Слеман е клуб кој минатата сезона се бореше во плејофот од индонезиското првенство.
Ашковски важи за фудбалер со богато меѓународно искуство.
Во својата кариера настапуваше во низа европски лиги, носејќи ги дресовите на клубови од Србија, Кипар, Турција, Ерменија, Грција, Романија, Бугарија, Холандија, Полска и Норвешка, а на домашната сцена играше за македонските гиганти Вардар и Шкендија.
