Поради доцнење во процедурата за издавање виза за влез во Обединетото Кралство, шефот на стручниот штаб Артим Положани на Шкендија не отпатува со тимот за Шкотска и, како резултат на тоа, не присуствуваше на официјалната прес-конференција и тренинг пред натпреварот со Хибернијан.
Прес-конференцијата и тренингот ги водеше помошниот тренер Куштрим Вока, заедно со стручниот штаб.
Клубот, сепак, го реши проблемот со визата и тренерот Положани утре ќе му се приклучи на тимот во Единбург за да го предводи на натпреварот против Хибернијан.
Мечот меѓу Хибернијан и Шкендија се игра утревечер, со почеток во 21 часот.
