Connect with us

Артета пресреќен: Во моментов сѐ е фантастично за Арсенал

Менаџерот на Арсенал, Микел Артета, не го криеше задоволството по големата победа од 0-1 на гостувањето кај Ливерпул во дербито од деветтото коло во Премиер-лигата.

Шпанскиот стратег смета дека триумфот на „Енфилд“ е целосно заслужен, особено ако се земе предвид дека неговиот тим создал шест или седум сериозни гол-шанси. За Арсенал ова беше прва победа на гостувањето кај Ливерпул по пауза од 14 години.

„Топчиите“ сега имаат три бода предност пред Манчестер Сити, кој во саботата загуби од Брајтон.

„Исклучително сум горд. Поминаа 14 години, што е навистина долг период. Не само поради победата, туку и поради начинот на кој ја остваривме и духот што го покажавме.

Особено ако се земе предвид што се случи пред четири дена, кога загубивме и бевме елиминирани од натпреварување од противник што требаше да го победиме. Тоа е магичната страна на фудбалот. Може да те доведе во исклучително тешки ситуации, но само четири дена подоцна ти дава можност да постигнеш нешто историско. Ние успеавме во тоа.

На моменти натпреварот беше исклучително исцрпувачки, но и покрај тоа создадовме шест или седум гол-шанси. Сепак, доволно е да погрешиш едно додавање или да не ја исфрлиш топката како што треба, па играта веднаш станува хаотична и противникот тргнува во напад. Импресивно е колку добро Ливерпул ги реализира вертикалните напади. Но начинот на кој нашиот тим се справи со таквиот стил на игра беше фантастичен.

Во моментов работите одат одлично за тимот. Победата е целосно заслужена, а начинот на кој ја остваривме заслужува многу пофалби за фудбалерите“, изјави Артета.

Advertisement
Advertisement
Advertisement

Facebook

Тимови