Менаџерот на Арсенал, Микел Артета, го бранеше Виктор Ѓокереш од критиките поради неговиот настап во дербито против Манчестер Сити (1-1), каде што шведскиот напаѓач ја допре топката само 22 пати. Исто така, Ѓокереш имаше слаб настап и во минатомесечната победа од 1-0 над Манчестер Јунајтед како гостин, како и во поразот со истиот резултат од Ливерпул.
„Виктор беше многу блиску до гол во неколку одлични акции во шеснаесетникот. Да имаш многу чисти шанси е исклучително тешко, но тој сигурно се обидува да направи сè, а ние треба да му обезбедиме повеќе можности“, изјави Артета.
Ремито ги остави Арсенал и Манчестер Сити зад лидерот во Премиер – лигата, Ливерпул, по петтото коло. Артета го пофали и менталитетот на Габриел Мартинели, кој го израмни резултатот.
„Габи повторно е во одлична форма по настапот во Билбао. Во овој период можеби заслужуваше повеќе, но неговата енергија и однос беа навистина добри и повторно влијаеше на тимот. Сакам постојаност од секој играч кој не е во стартниот тим, бидејќи гледате колку долго трае натпреварот и на какво ниво треба да играме за да победиме. Многу сум задоволен од него“, додаде Артета.
