Арсенал го постави ангажманот на шпанскиот репрезентативец Нико Вилијамс како примарна задача во летниот преоден рок. Според англиските медиуми, „топчиите“ веќе имале прелиминарни разговори со шпанскиот крилен напаѓач, а преговорите ги водел новиот спортски директор на клубот, Андреа Берта.
Арсенал го следи Вилијамс веќе две години, но досега не испратил конкретна понуда. Сепак, се очекува ова лето да биде поинакво, бидејќи играчот е подготвен за нов предизвик.
Микел Артета неодамна изјави дека клубот го очекува возбудлив летен преоден рок, што е дополнителен знак дека се подготвуваат големи засилувања.
