Арсенал излезе од кризата во вистински момент и го доби лондонското дерби против Челси на „Стемфорд бриџ“. Тимот на Микел Артета славеше со 2-4 и се врати во трката за пласман во Лигата на шампионите.
Младиот Едвард Нкетија беше двоен стрелец за „топчиите“, а погоди и Емил Смит Роу. Во судиското продолжение, од пенал стрелаше Бакајо Сака.
Челси се држеше во првиот дел и успеа да се врати во игра со головите на Тимо Вернер и на Цезар Аспиликуета.
Евертон ремизираше 1-1 против Лестер. Ришарлисон донесе бод во судиското продолжение, откако Лестер поведе со голот на Харви Барнс. Њукасл минимално победи против Кристал Палас, со погодокот на Мигел Акмирон.
