„Топчиите“ не само што го совладаа Реал, туку со тоа донесоа голема победа и за цела Англија. Благодарение на нивниот триумф, Премиер – лигата доби уште еден бонус — пет места во Лигата на шампионите за следната сезона.
Овој подвиг значи дека покрај Арсенал и веќе сигурниот Ливерпул, шанса за европска елита имаат и клубови како Нотингем Форест, кој моментално е трет, па сè до деветтопласираниот Брајтон. Разликата меѓу нив е само десет бода, а остануваат уште седум кола — што значи дека се очекува жестока битка до самиот крај.
Италија, исто така, не се предава во оваа трка. По победата на Интер над Баерн, „аѕурите“ стануваат втората најблиска нација што може да обезбеди пет европски билети преку лигата.
