Актуелниот македонски шампион Шкендија го официјализира враќањето на еден од своите некогашни најперспективни фудбалери – Арбин Зејнулаи. Фудбалерот од Тетово повторно ќе го облече црвено-црниот дрес, по настапите во Работнички и албанскиот прволигаш Егнатија.
Зејнулаи се очекува да внесе свежина и стабилност во средниот ред на тетовци, како за настапите на меѓународната сцена, така и во домашното првенство, каде Шкендија ќе се обиде да ја одбрани титулата.
