Тренерот на Реал Мадрид, Алваро Арбелоа, се обрати на прес-конференција пред утрешното гостување кај Валенсија во Ла Лига, но главната тема која го привлече вниманието беше „случајот Негреира“. Арбелоа го нарече овој инцидент „најголемиот скандал во историјата на шпанскиот фудбал“.
„Не мислам дека некој навистина разбира зошто најголемиот скандал во шпанскиот фудбал останува неразрешен. Ова би требало да претставува проблем за многумина“, истакна Арбелоа.
Во 2023 година, Барселона и раководството на клубот беа обвинети за поткуп и плаќање на поранешниот заменик-претседател на Техничкиот комитет на судиите (CTA), Хосе Марија Енрикес Негреира, кој работеше за Кралската шпанска фудбалска федерација (RFEF). Судот оцени дека исплатите на неколку милиони евра од Барселона кон Негреира во периодот 2001–2018 година претставуваат кривично дело.
Реал Мадрид делуваше како приватен обвинител во овој случај.
Арбелоа исто така се осврна на предизвиците кои ги очекуваат во Валенсија.
„Свесни сме што нè очекува утре. Треба да дадеме сѐ од себе, бидејќи играме против тежок противник. Кога Реал Мадрид гостува на ‘Месталја’, атмосферата секогаш е феноменална. Нѐ очекува деликатен натпревар“, изјави тренерот на Реал Мадрид.
