Две победи по ред, и тоа многу важни, или три триумфи на последните четири натпревари. Девет бода со кои АП Брера сериозно „живна“ и се искачи во средишниот дел на табелата во Прва МФЛ.
Но, избраниците на младиот стратег Мартин Алаѓозовски не сакаат сега да сопрат, напротив, сакаат да го искористат залетот и да стигнат до триумф и на денешниот меч против Башкими на домашен терен.
„Фудбалерите ја прифатија мојата филозофија и на секој нареден натпревар сме сѐ подобри. Верувам дека ќе продолжиме во ист стил“, вели шефот на стручниот штаб на Брера.
Башкими е опасен ривал кога на игра гостински терен, го почувствуваа тоа претходно и Пелистер и Работнички, па Брера ќе мора да биде внимателна и максимално фокусирана во текот на целиот натпревар.
