„Десеткуваниот“ состав на фудбалската репрзезентација на Македонија ќе биде пополнет со тројца новоповикани фудбалери за мечот в среда против Ерменија на Кипар, кој директно ќе решава за првото место во Група Ц од Лигата на нации. Дарко Мицевски од Вардар, Душко Трајчевски од Докса (Кипар) и Томе Китановски од Македонија ЃП се тројцата нови фудбалери кои треба да се приклучат за утрешното патување во Никозија.
Тие се тестирани на Covid-19, но допрва ќе се очекуваат нивните резултати. Се разбира, тоа е последниот услов за да се приклучат на националниот тим за последниот меч од овој циклус во Лигата на нации, пресметката со Ерменија.
Ангеловски нема да може да смета на голем број стандардни репрезентативци за натпреварот против Ерменците.
