Офанзивниот играч за врска Андреј Тодороски беше во плановите на селекторот Гоце Седлоски за претстојните контролни натпревари против БиХ и Турција, но поради административни причини нема да може да настапи за македонската репрезентација во овој циклус.
Фудбалерот на ТСЦ Бачка Топола сè уште ја очекува потребната документација, односно завршување на процедурата околу пасошот, што во моментов е единствената пречка за негов дебитантски настап во националниот тим.
„Тодороски беше на списокот, но се чека неговиот пасош. Станува збор за квалитетен играч, го имам следено и верувам дека наскоро ќе се реши ситуацијата, па ќе можеме да сметаме и на него“, изјави Седлоски.
