Италијанската фудбалска легенда Андреа Пирло ќе ја продолжи својата тренерска кариера во Обединетите Арапски Емирати. Тој потпиша договор со локалниот клуб ФК Јунајтед, а веста беше официјално потврдена од страна на клубот.
Пирло веќе се наоѓа во Дубаи и ќе започне со работа во наредните денови, додека тимот се подготвува за новата сезона.
46-годишниот стратег претходно ги предводеше Јувентус, турскиот Караѓумрук и Сампдорија.
„Горди сме што Андреа стана дел од семејството на ФК Јунајтед. Тој ги отелотворува вредностите и амбициите на нашиот клуб, и веруваме дека ќе биде клучна фигура во нашите напори да го подигнеме клубот на повисоко ниво“, изјави претседателот на клубот, Илие Чебану.
