Андре Онана отпадна од составот на Манчестер Јунајтед за натпреварот против Њукасл, кој ќе се игра вечерва. Камерунскиот голман доби одмор по грешките што ги направи против Лион (2-2) во првиот четвртфинален натпревар од Лигата на Европа.
Според „Би-Би-Си“, менаџерот на „црвените ѓаволи“, Рубен Аморим, го изоставил Онана од тимот за да „се одмори и да се ослободи од притисокот“.
Се очекува како стартер против Њукасл да започне Алтај Бајиндир. Ова ќе биде деби во Премиер – лигата за 26-годишниот турски репрезентативец, кој веќе има шест настапи за Манчестер Јунајтед во други натпреварувања.
