Карло Анчелоти, селекторот на Бразил, 24 дена по елиминацијата од Светското првенство направи анализа на поразот од Норвешка во осминафиналето. Италијанскиот стратег призна дека направил грешка кога ја променил тактичката поставеност на тимот за време на паузата за освежување.
Анчелоти смета дека погрешно ја проценил ситуацијата на теренот и со своите измени го нарушил ритамот на бразилската репрезентација.
„Светското првенство го загубивме за време на паузата за освежување против Норвешка. До тој момент целосно го контролиравме натпреварот. Точно е дека Норвешка имаше поголем посед на топката, но најмногу на својата половина. Мислев дека ја губиме контролата, но тоа не беше така“, изјави Анчелоти.
Тој додаде дека токму неговата одлука ја променила динамиката на мечот.
„Можеби тоа беше мојата грешка. Малку го променив тимот, а потоа се случи проблемот при голот на Халанд. Кога на Светско првенство ќе примите гол во 80. минута, многу е тешко да се вратите во натпреварот“, истакна искусниот тренер.
Неколку минути пред паузата за освежување, Анчелоти ги повлече Габриел Мартинели и Рајан, а во игра ги внесе Нејмар и Данило Сантос. Сепак, тој ја бранеше одлуката да му даде шанса на Нејмар.
„Мислам дека Нејмар во тој момент мораше да влезе бидејќи беше во добра форма, добро тренираше и беше подготвен. Ми се допадна неговиот пристап и сметам дека ѝ помогна на екипата. Но, со неговото влегување не требаше да ја менувам тактичката структура на тимот“, заклучи Анчелоти.
