Фудбалската конфедерација на Бразил официјално потврди дека Карло Анчелоти потпишал нов договор кој ќе трае до летото 2030 година.
Во краткото соопштение, бразилската конфедерација истакна дека репрезентацијата и понатаму ќе биде предводена од еден од најуспешните тренери во историјата на фудбалот, нагласувајќи дека има целосна доверба во него и неговата способност повторно да го врати Бразил на самиот светски врв.
Анчелоти ја презеде бразилската селекција минатото лето, по заминувањето од Реал Мадрид, каде помина четири успешни сезони.
Светското првенство во САД, Канада и Мексико ќе претставува негов прв голем предизвик како селектор на Бразил, а очекувањата од јавноста традиционално се огромни.
Бразил е петкратен светски шампион, но последната титула ја освои уште во 2002 година.
На претстојниот Мундијал, Бразил ќе настапува во групата Ц заедно со Шкотска, Хаити и Мароко.
