По уште еден разочарувачки настап на Манчестер Jунајтед во Премиер – лигата, менаџерот Рубен Аморим излезе со коментар кој сигурно ќе предизвика реакции. „Црвените ѓаволи” доживеаја тежок пораз од 1-4 на гостувањето кај Њукасл, но португалскиот стратег остана смирен и рече дека не се загрижува од надворешните критики.
„Направивме премногу грешки. Њукасл беше поагресивен, побрз на вторите топки и генерално подобар. Со толку пропусти, речиси е невозможно да се победи“, рече Аморим по натпреварот.
„Искрено, не можам да издвојам само една работа што не ни одеше. Сè беше наопаку — против силни екипи како Њукасл, не смееш да им подаруваш голови. Критиките? Секако дека ги има, но јас не се фокусирам на тоа“, заклучи тој.
