Шпанскиот напаѓач Алваро Мората, откако вториот дел од минатата сезона го мина како позајмен играч во Галатасарај, а минатото лето потпиша четиригодишен договор со Милан, сега кариерата ќе ја продолжи во Комо.
Галатасарај имаше можност да го откупи неговиот договор за 10 милиони евра, но не ја искористи таа опција.
Шпанскиот репрезентативец, поранешен играч на Реал Мадрид, Атлетико Мадрид, Челси, Јувентус и Милан, се враќа во Италија, но во дресот на нов клуб. Тој ќе ги засили напаѓачките редови на тимот на Цеск Фабрегас.
