Иднината на Хулијан Алварез повторно станува една од интересните теми на европскиот трансфер-пазар. Иако аргентинскиот напаѓач остана во Атлетико Мадрид, неговата ситуација на „Ванда Метрополитано“ би можела значително да се промени во пресрет на зимскиот преоден рок.
Алварез сезоната ја започна со ограничена минутажа, забележувајќи само четири настапи и една асистенција. Сепак, пред репрезентативната пауза постепено повторно го доби своето место во плановите на Диего Симеоне.
Во текот на летото Атлетико не сакаше да го пушти во Барселона, додека самиот фудбалер ја одби доцната понуда од Арсенал.
Сега, сепак, ситуацијата изгледа поинаку.
Според „ТимТок“, Алварез почнал поинаку да гледа на својата иднина. Аргентинецот е свесен за сложената ситуација во Атлетико, но и за фактот дека Барселона веќе има неколку одлични решенија во офанзивата, поради што интересот за преселба на „Камп Ноу“ повеќе не е ист како во текот на летото.
Дополнително, неодамна се појавија информации дека 26-годишниот напаѓач размислува и за промена на својот агент, што би можело да има влијание врз неговите следни професионални чекори.
Хулијан Алварез сега е подготвен да разгледа трансфер уште во јануари или најдоцна во 2027 година, а во неговите планови повторно сериозно се појавува Арсенал.
Проектот на Микел Артета во Лондон во моментов му изгледа сè поинтересно, па „топчиите“ би можеле повторно да се најдат во позиција да го доведат аргентинскиот голгетер.
По летото во кое Алварез ја одби понудата од Лондон, следниот преоден рок би можел да донесе целосно поинаков развој на ситуацијата.
-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум победи и на второто последовно дерби, славејќи против Шкендија Тетово со...
Автор makfudbal
-
МАКФУДБАЛ ИГРАЧ на колото: Христијан Малески (Струга ТЛ)
Големите фудбалери се познаваат на големите натпревари. Струга Трим Лум успеа да ја победи...
Автор makfudbal
Млади репрезентации
Репрезентацијата до 19 години освои бод во дуелот против Северна Ирска
Млади репрезентации
Хет-трик на Стефан Ристиќ, голема победа на Македонија У17 против Унгарија
Млади репрезентации
Репрезентацијата до 19 години освои бод во дуелот против Северна Ирска
Интернационалци
Ѓоко Хаџиевски ќе биде нов тренер на Локомотив Софија?













