Голманот на Ливерпул, Алисон Бекер, нема да може да присиствува на погребот на неговиот татко поради пандемијата на коронавирусот. Тој не смее од Велика Британија да се врати во Бразил, а дури и да замине, потоа не би можел веднаш да се врати во Англија и да продолжи со обврските во премиерлигашот. Сето ова поради новите мерки за заштита од британскиот сој на коронавирус што ги имаат воведено двете земји, Велика Британија и Бразил.
Алисон Бекер доживеа огромна семејна трагедија. Неговиот татко Жозе Агостињо Бекер е пронајден мртов откако се удавил во блиската река.
„You’ll never walk alone“, му порачаа од Ливерпул во овие тешки мигови.
